भोजपुर: भोजपुर नगरपालिका-३ बाट सोही ठाउँ बस्नेहरु ४६ वर्षीय जित कुमार राई र ३६ वर्षीय लाल बहादुर भुजेललाई लाईसेन्स नभएको दुई नाले भरुवा बन्दुक लगायतका सामान सहित बुधबार प्रहरीले पक्राउ गरेको छ ।
जिल्ला प्रहरी कार्यालयबाट खटिएको प्रहरीले जित कुमारको घरमा तलासी गर्दा बारुद लोड गरेको एक नाले भरुवा बन्दुक १ थान, छर्रा १४ थान, कुरिङ ढुङ्गा १० थान र प्लाष्टिकको वट्टामा करिब २ सय ग्राम बारुद तथा लाल बहादुरको घरमा बारुद लोड गरेको एक नाले भरुवा बन्दुक १ थान, छर्रा १६ थान, पटाका ३ प्याकेट र करिब २ सय ग्राम बारुद सहित फेला पारी उनीहरुलाई पक्राउ गरेकाे प्रहरीले जनाएकाे छ ।
यस सम्बन्धमा प्रहरीले थप अनुसन्धान गरिरहेको छ ।
प्रकाशित मिति: बिहीबार, असार ५, २०७६
-1732776560.jpg)
