काठमाडौं : हुम्लाको कर्णाली नदीमा बोलेरो जीप खसेर बेपत्ता भएकाहरू अझै भेटिएका छैनन् ।
नेपाली सेना, नेपाल प्रहरी, सशस्त्र प्रहरी र स्थानीयको लगातारको खोजका कारण अहिलेसम्म बेपत्ता भएकाहरूलाई फेला पार्न सकिएको छैन । तर मंगलवार भएको दुर्घटना पश्चात खोजीका क्रममा हुम्लाको खार्पुनाथ गाउँपालिकाका उपाध्यक्ष सिन्धु हमाल शाहीसँगै एक जना अर्को व्यक्तिको झोला मात्रै प्रहरीले फेला पारेको छ ।
हुम्ला जिल्लामा रहेको कर्णालीमा जीप खसेर १० जना भन्दा बढी बेपत्ता भएपछि अहिले हुम्ला जिल्ला शोकमग्न छ । खार्पुनाथ गाउँपालिकाका अध्यक्ष कर्णबहादुर रावलका अनुसार अहिले नेपाली सेनाको हेलिकप्टरबाट गोताखोरहरु पुगिसकेको बताउँछन् ।
प्रकाशित मिति: बुधबार, असार ४, २०७६
