कोपा अमेरिका २०१९ अन्तर्गत आमन्त्रित टोलीको रुपमा सहभागिता जनाएको जापान पहिलो खेलमा साविक विजेता चिलीसँग पराजित भएको छ । साविक विजेता चिलीले ४-० को जित दर्ता गरेको हो ।
खेलको ४१ औं मिनेटमा चिलीले अग्रता लिएको थियो । मिडफिल्डर चार्ल्स अरान्गीजको पासमा एरिक पुल्गरले गोल गर्दै साविक विजेतालाई अग्रता दिलाएका थिए । दोस्रो हाफको ५४ औं मिनेटमा माउरिसियो इस्लाको पासमा भार्गासले गोल गर्दै चिलीको अग्रता दोब्बर पारे ।
८२ औं मिनेटमा एलेक्सिस सान्चेजले अरान्गिजको पासलाई सदुपयोग गर्दै जित पक्का गरे । त्यसको एक मिनेट नबित्दै सान्चेजको पासमा भार्गासले व्यक्तिगत दोस्रो गोल गरे ।
प्रकाशित मिति: मंगलबार, असार ३, २०७६
