काठमाडौं : कोपा अमेरिका कपमा उरुग्वेले इक्वेडरलाई चार शून्यको भारी अन्तरले हराएको छ ।
सोमबार बिहान भएको खेलमा उरुग्वेले इक्वेडरमाथि फराकिलो जित निकाल्न सफल भयो । एक तर्फी जस्तो बनेको खेलको छैटौँ मिनेटमा लोडीरोको गोलमा उरुग्वेले अग्रता बनाएको थियो । त्यसपछि ३३ औं मिनेटमा काभानीले उसको अन्तर दुई शून्यमा पुर्यायो ।
४४ औं मिनेटमा लुइस स्वारेजको गोलमा उरुग्वे पहिलो हाफमा तीन शून्यले अगाडि रह्यो । दोस्रो हाफमा भने उरुग्वेले अरु मौका पाए पनि गोल गर्न सकेन । ७८ औं मिनेटमा इक्वेडरका मिनाले आत्मघाती गोल गरेपछि उरुग्वे चार शून्यले विजयी भयो ।
त्यसअघि भएको खेलमा कतारले पाराग्वेलाई दुई दुई गोलको बराबरीमा रोक्न सफल भयो ।
प्रकाशित मिति: सोमबार, असार २, २०७६
