काठमाडाैं : सर्वनाम कप एसईई बास्केटबल टुर्नामेन्ट २०७६ मा ११ स्कोर ल्याइ ब्वाइजतर्फ एल आर आइ विजयी भएको छ । सर्वनाम कलेजको आयोजनामा सम्पन्न प्रतियाेगितामा ७ स्कोरका साथ लभ्ली एन्जेल्स द्वितीय भयाे ।
यस्तै गर्ल्स तर्फ १० स्कोर प्राप्त गरी लुम्बिनी एकेडेमीले प्रथम भएको छ । त्यस्तै ५ स्कोर बटुल्दै इनसाइट भिजन द्वितीय भयाे । उपाधीसहित प्रथमले दश हजार तथा द्वितीयले पाँच हजार नगद पुरस्कार प्राप्त गरेका छन् ।
पुरस्कार वितरण समारोहमा बोल्दै सर्वनाम कलेजका प्राचार्य दुर्गानाथ सिवाकाेटीले आगामी संस्करण परिमार्जित र परिस्कृत गर्दै अगाडी बढ्ने बताए । कार्यक्रम प्याब्सन काठमाडौं अध्यक्ष हरिकृष्ण श्रेष्ठको प्रमुख आतिथ्यतामा भएको थियो ।
प्रकाशित मिति: शुक्रबार, जेठ ३१, २०७६
