इटालीले युरोकप छनोटमा इटालीले बोस्निया हर्ज गोभिनामाथि २–१ को जित निकालेको छ ।
घरेलु मैदानमा इटालीको संघर्षपुर्ण जितमा लोरेन्जो इनसिग्ने र मार्काे भेराट्टीले गोल गरे । बोस्नियाका इडेन जेकोले एक गोल गरे ।
इटालीले एक गोलले पछि परेको स्थितिमा जित निकालेको हो । खेलको ३२औं मिनेटमा जेकोले गोल गरेपछि इटाली पहिलो हाफमा १–० ले पछि परेको थियो ।
दोस्रो हाफको शुरुमै इटालीले बराबरी गोल फर्काए । ४९औं मिनेटमा लेरेन्जो इनसिग्नेले फेडरिकोको पासमा बराबरी गोल फर्काए । बराबरीतर्फ धकेलिएको खेलको ४ मिनेट बाँकी रहँदा मार्काे भेराट्टीले गोल गर्दै इटालीलाई २–१ को जित दिलाए ।
प्रकाशित मिति: बुधबार, जेठ २९, २०७६
