काठमाडाैं : डाँका समूहका छिरिङ तामाङलाई प्रहरीले गोली प्रहार गरी पक्राउ गरेको छ ।
प्रहरीको खोजीको सूचीमा रहेका छिरिङमाथि शुक्रबार दिउँसो बौद्ध अत्तरखेलमा गोली प्रहार गरेर पक्राउ गरेकाे हाे । काठमाडौं उपत्यकामा विगतमा भएका डकैतीका घटनामा छिरिङ संलग्न रहेकाे आराेपमा प्रहरीले खोजी गरिरहेको थियो ।
महानगरीय अपराध अनुसन्धान महाशाखाका प्रमुख सहकुल थापाले तामाङले प्रहरीमाथि आक्रमण गर्न खोजेपछि दुई राउन्ड गोली प्रहार गरिएको बताए । विगतमा डकैती गर्ने तामाङ समूहका तीन जना पक्राउ परिसकेका छन् । उनलाई पक्राउ गर्न प्रहरी लामो समयदेखि सक्रिय थियो ।
गोली लागी घाइते तामाङलाई उपचारका लागि ट्रमा सेन्टर लगिएको छ । बढी रगत बगेका कारण उनको अवस्था चिन्ताजनक रहेकाे बताइएकाे छ ।
महाशाखाका प्रमुख भएर आएपछि सहकुल थापाले गुण्डागर्दीलाई नियन्त्रणमा लिन कडा कदम चाल्ने बताएका थिए । उनले आपराधिक क्रियाकलाप गर्नेलाई छुट नदिने बताउँदै आएका थिए ।
प्रकाशित मिति: शुक्रबार, जेठ २४, २०७६
-1732776560.jpg)
