काठमाडाैं : ललितपुरकाे धोबिघाटमा स्कार्पियोले मोटरसाइकललाई ठक्कर दिँदा दुई जनाको मृत्यु भएको छ ।
बा १६ च ४७४३ नम्बरको स्कार्पियोले बा ४३ प ९८६३ नम्बरको मोटरसाइकललाई ठक्कर दिँदा मोटरसाइकलमा सवार नुवाकोट बेल्काेटगढीका २८ वर्षीय चन्द्रमणि मुडभरी र ललितपुरका ४० वर्षीय गोविन्द घिमिरेको मृत्यु भएको प्रहरीले जनाएको छ ।
दुर्घटनामा परेका घिमिरे नेपाल कृषि पत्रकार प्रतिष्ठानका अध्यक्ष हुन् । केही समय अघिसम्म कृषि टेलिभिजनमा काम गरेका उनी पछिल्लो समय युट्युब च्यानल ‘किसान’ सञ्चालन गर्थे । गोदारवारी, ललितपुर निवासी उनी लामो समयदेखि रेडियाे पत्रकारको रूपमा पनि सक्रिय थिए।
दुर्घटनाका घाइते भएका दुवै जनालाई उपचारका लागि थापाथलीस्थित नर्भिक अस्पताल लगिएकाे थियो । अस्पतालले दुवैलाई मृत घोषणा गरेको छ ।
दुर्घटनामा परेको महिन्द्रा स्कार्पियो गाडीको अगाडिको भाग ध्वस्त भएकाे छ भने मोटरसाइकलमा पनि क्षति पुगेको छ।
प्रकाशित मिति: आइतबार, जेठ १९, २०७६
