काठमाडाैं : गोकर्णेश्वर नगरपालिका-८ गोकर्ण पिपलबोटस्थित सिन्धुपाल्चोक हेलम्बु गाउँपालिका-२ घर भई हाल काठमाडौं कागेश्वरी मनहरा नगरपालिका-५ थली बस्ने २३ वर्षीय प्रदिप ज्योती सहित दुई जनालाई नियन्त्रित लागूऔषध ट्रामा १ हजार ३ सय २० पिस सहित शुक्रबार दिउँसो प्रहरीले पक्राउ गरेको छ ।
महानगरीय प्रहरी प्रभाग गोकर्णबाट खटिएको प्रहरीले उनीहरुलाई उक्त लागूऔषध सहित पक्राउ गरेको हो ।
यसैगरी चन्द्रागिरी नगरपालिका-२ नागढुङ्गाबाट मोरङ बिराटनगर महानगरपालिका-७ देवकोटा चोक घर भएका २९ वर्षीय अवेश कार्कीलाई नियन्त्रित लागूऔषध नाइट्राभेट १८ ट्याबलेट र कोरेक्स २ बोतल सहित शनिबार बिहान प्रहरीले पक्राउ गरेको छ ।
उक्त स्थानमा प्रहरीले बिराटनगरबाट काठमाडौं आउँदै गरेको ना.७ ख ९५४ नम्बरको बस जाँच गर्ने क्रममा बसमा सवार उनलाई उक्त लागूऔषध सहित फेला पारी पक्राउ गरेको हो ।
प्रकाशित मिति: आइतबार, जेठ १९, २०७६
-1732776560.jpg)
