दमक : झापाको दमकमा आधुनिक सपिङ कम्प्लेक्स निर्माण हुने भएको छ ।
दमक नगरपालिका र जिल्ला समन्वय समितिको लगानीमा निर्माण हुने सो कम्प्लेक्स पाँच तल्लाको हुने छ ।
दमक नगरपालिका–६ स्थित पुरानो सब्जी बजार नजिकै नगरपालिकाको स्वामित्वमा रहेको करिब साढे तीन कठ्ठा जग्गामा निर्माण हुने सो कम्प्लेक्स भवनको दमक नगरपालिकाका प्रमुख रोमनाथ ओलीले बिहीबार शिलान्यास गरे ।
नगरपालिकाका कार्यकारी अधिकृत गणेश तिम्सिनाका अनुसार १८ महिनाभित्रमा निर्माण सम्पन्न गर्ने गरी काम थालिएको छ । निर्माणको जिम्मा याक्थुम्हाङ सास जेभीले पाएको छ ।
कूल पाँच करोड ८१ लाख लागत अनुमान गरिएको सो योजना तीन करोड ७१ लाखमा ठेक्का सम्झौता भएको तिम्सिनाले जानकारी दिए । सोमध्ये एक करोड जिल्ला समन्वय समितिको र दुई करोड ७१ लाख नगरपालिकाको लागत रहने जनाइएको छ ।
प्रकाशित मिति: शुक्रबार, जेठ १७, २०७६
-1732776560.jpg)
