काठमाडौं : नेपाली कांग्रेसका महामन्त्री डा.शशांक कोइरालाले नेविसंघको नयाँ कार्यसमिति बनाउन आफुले सभापति शेरबहादुर देउवालाई आग्रह गरेको बताएका छन् । हाम्रो नेविसंघ, संगठित र प्रशिक्षित नेविसंघले मंगलबार आयोजना गरेको प्रशिक्षण कार्यक्रममा बोल्दै महामन्त्री कोइरालाले यस्तो जानकारी गराएका हुन् ।
महाधिवेशन गराउन नसकेपछि अध्यक्ष नैनसिंह महरले राजीनामा दिएपछी नेविसंघ हाल नेतृत्वविहिन छ । महामन्त्री कोइरालाले छिट्टै नेविसंघ बनाउन सभापति देउवालाई भनेको बताए । त्यस्तै, उनले विद्यार्थी आन्दोलनले मुलुकमा परिवर्तन गरेको इतिहास रहेको भन्दै देश समृद्ध मुलुक बनाउन विद्यार्थी आन्दोलनलाई राज्यले कमजोर ठान्न नहुने बताए ।
कार्यक्रममा मिनेन्द्र रिजाल , धनराज गुरुंग, बद्री पाण्डेलगायतले नेविसंघको इतिहास र समग्र राजनीतिका बारेमा चर्चा गरेका थिए । नेविसंघका पुर्व उपाध्यक्ष एवं अभियानका संस्थापक निलकण्ठ रिजालले वैचारिक रुपमा नेविसंघलाई सशक्त बनाउन ९ वर्षदेखि अभियान चलिरेहको बताए । । नेविसंघ रिक्त भएको अहिलेको परिवेशमा अभियानको औचित्य थप बढेको पनि उनले बताए ।
प्रकाशित मिति: मंगलबार, जेठ १४, २०७६
-1732776560.jpg)
