२४६ पोका कोकिन निलेका एक व्यक्तिको जहाजमै निधन भएको छ ।
मेक्सिको सिटीबाट उडेको विमानमा रहेका ती व्यक्तिले २४६ पोका कोकिन निलेकाले निधन भएको हो ।
जापानको नारिताका लागि उडेको विमानले ती व्यक्तिले बेहोस भएपछि मेक्सिकोको सोनारामा आपतकालीन अवतरण गरेको थियो । उडो एन नाम गरेका ती व्यक्तिको कोकिनको ओभरजोडका कारण निधन भएको सरकारी अधिकारीले बताएका छन् ।
कोलम्बियाको राजधानीबाट आएको विमानबाट उनी सो जहाजमा चढेका थिए । पोष्टमार्टमको क्रममा साढे दुई सेन्टिमिटर लामो र एक सेन्टिमिटर चौडाइ भएका कोकिनका पोकाहरु ती व्यक्तिको पेट र इनटेस्टाइनमा फेला परेको थियो । -बिबिसी
प्रकाशित मिति: मंगलबार, जेठ १४, २०७६
