चरिकाेट : दोलखाको कालिञ्चोक गाउँपालिका–८ सुनखानीस्थित सोती बजारमा आइतबार बिहान आगलागी हुँदा पसलसहित चार घर जलेका छन् भने अन्य दुई घरमा पनि आंशिक क्षति पुगेको छ ।
गए राति करिब दुई बजेदेखि लागेको आगो बिहान ८ बजे मात्र नियन्त्रणमा आएको थियाे । भीमेश्वर नगरपालिकाको दमकल, सेना, प्रहरी र स्थानीयबासी मिलेर आगाे नियन्त्रणमा लिएका हुन्। विद्युत् सर्ट भएर आगलागी भएको अनुमान गरिएको छ।
स्थानीय घनश्याम उप्रेति, चित्रबहादुर खरेल, राजेन्द्र सेढाई र नारायणप्रसाद शिवाकोटीको घरमा आगलागी भएको हो। आगलागीबाट स्थानीय पदमराज शिवाकोटी र विष्णु शिवाकोटीको घरमा पनि आशिंक क्षति पुगेको इलाका प्रहरी कार्यालय सिंगटीका प्रहरी निरीक्षक सुनजीत तामाङले जानकारी दिए।
आगलागीबाट करिब दुई कराड रुपैयाँ बराबरको क्षति भएको प्रहरीले जनाएको छ। आगलागीबाट इलेक्ट्रिक पसल र होटलमा क्षति पुगेको छ। आगलागीबाट करिब एक करोड ९७ लाख रुपैयाँ बराबरको क्षति भएको प्रहरी निरीक्षक तामाङले बताए।
आगलागीबाट एउटा स्कुल बसमा पनि क्षति पुगेको बताइएकाे छ ।
प्रकाशित मिति: आइतबार, जेठ १२, २०७६
-1732776560.jpg)
