ओखलढुङ्गा : जिल्ला अदालतमा कार्यरत एक कर्मचारीको कार्यालय समयमै मृत्यु भएको छ ।
कार्यालय सहयोगी सिद्धिचरण नगरपालिका–३ केराउस्वाँराका ४६ वर्षीय पोस्टप्रसाद दाहाल कार्यालयमै मृत भेटिएका हुन् ।
अदालतको कर्मचारी आवास गृहमा शुक्रबार अपराह्न दाहाल मृत भेटिएका जिल्ला प्रहरी कार्यालयका प्रहरी निरीक्षक राजीव श्रेष्ठले जानकारी दिए । आराम गरिरहेका दाहाल दिनभर बाहिर नआएपछि अर्का कर्मचारीले ढोका खोलेर हेर्दा मृत अवस्थामा भेटाएका थिए ।
अदालतका अनुसार रातिको समयमा ड््युटी गर्ने दाहाल दिउँसो सधैँजसो आवासगृहमा आराम गर्ने गरेका थिए ।
लामो समयदेखि मुटुको समस्या रहेका दाहालको अत्यधिक मादक पदार्थ सेवनका कारण मृत्यु भएको हुनसक्ने प्रहरीको अनुमान छ ।
आवश्यक प्रक्रिया पूरा गरेर शव परीक्षणपछि परिवारलाई जिम्मा लगाएको प्रहरीले जनाएको छ ।
प्रकाशित मिति: शनिबार, जेठ ११, २०७६
-1732776560.jpg)
