काठमाडाैं :प्रहरीले त्रिभुवन अन्तर्राष्ट्रिय विमानस्थलबाट करोडौं भारतीय नक्कली नोटसहित ६ जनालाई पक्राउ गरेको छ । पक्राउ पर्नेमा तीन जना पाकिस्तानी र तीन जना नेपाल नागरिक छन् ।
कतारको दोहाबाट काठमाडौं आएको कतार एयरवेजको जहाजमा आएका तीनजना पाकिस्तानीबाट करोडौँको भारतीय जाली नोट प्रहरीले बरामद गरेको हो । अन्तर्राष्ट्रिय विमानस्थल सुरक्षा कार्यालयका नारायण रञ्जीतकारका अनुसार तीन वटा सुटकेसमा जाली नोट ल्याइएको भेटिएको छ।
पक्राउ पर्नेमा नेपाली नागरिक युनुस अन्सारी पनि छन् । उनी यसअघि पनि नक्कली भारतीय रुपैयाँ कारोबार र लागूपदार्थ कारोबारमा पक्राउ परिसकेका व्यक्ति हुन् । अन्सारीमाथि केन्द्रीय कारागारमा रहँदा गोली प्रहार समेत भएको थियो ।
प्रकाशित मिति: शुक्रबार, जेठ १०, २०७६
-1732776560.jpg)
