काठमाडाैं : पूर्व–पश्चिम लोकमार्गअन्तर्गत सिरहाको मिर्चैया नगरपालिकास्थित प्रयागपुर चाेकमा बस र ट्रक एकआपसमा ठोक्किँदा दुई जनाको मृत्यु भएको छ भने २५ जना घाइते भएका छन् ।
गएराति ना ८ ख ९८२ नम्बरको प्राइम बस झापाबाट काठमाण्डौं आउँदै गर्दा पश्चिमबाट आइरहेको ना ३ ख ४२६४ नम्बरको ट्रकसँग ठोक्किएर दुर्घटना भएको इलाका प्रहरी कार्यालय मिर्चैयाका डीएसपी सुकदेव खनालले जानकारी दिए।
उनकाअनुसार दुर्घटनामा दुईको जनाको मृत्यु भएको छ भने २५ जना घाइते भएका छन् । घाइतेमध्ये ८/१० जना गम्भीर रहेकाे बताइएकाे छ ।
मृतकको पहिचान खुल्न सकेको छैन् । एक जनाको घटनास्थलमै र अर्का एकको उपचारको क्रममा मिर्चैयामा मृत्यु भएको डीएसपी खनालले बताए।
सामान्य घाइतेहरुको स्थानीय अस्पतालमा र गम्भीर घाइतेलाई बाहिर रेफर गरिएको प्रहरीले जनाएको छ।
प्रकाशित मिति: शुक्रबार, जेठ १०, २०७६
-1732776560.jpg)
