चितवन : प्रहरीले चितवनको कृषि तथा वन विज्ञान विश्वविद्यालय रामपुरका कृषि संकायका सहायक डिन प्रा विष्णुराज ओझालाई मोसो दल्ने छ जना विद्यार्थीलाई पक्राउ गरेको छ । उनीहरूलाई मंगरबार रामपुर क्याम्पस परिसरबाट पक्राउ गरिएको हो ।
प्रहरी नायब उपरीक्षक दुर्गाराज रेग्मीका अनुसार पक्राउ पर्नेमा सन्तोष खतिवडा, गोपाल थापा, वामदेव रेग्मी, मिलन चौहान, विभोर गौली र सुशन पौडेल छन् ।
प्रा ओझाले जिल्ला प्रहरी कार्यालयमा किटानी जाहेरी दिएपछि विद्यार्थीलाई पक्राउ गरिएको हो । यसअघि उनीहरूलाई विश्वविद्यालय कार्यकारी परिषद्को बैठकले दुई महिनाका लागि क्याम्पसबाट निष्काशित गरेको थियो ।
उक्त समूहले गत चैत २१ गते विश्वविद्यालयका सहायक डिन ओझामाथि विभिन्न आरोप लगाउँदै विश्वविद्यालय परिसरमा दुव्र्यवहार गरेको थियो । सो घटनापछि प्रजातन्त्रवादी प्राध्यापक संघले आन्दोलन गर्दै आएको थियो ।
प्रकाशित मिति: बुधबार, जेठ ८, २०७६
-1732776560.jpg)
