काठमाडौं: पाँचथरको मिक्लाजुङ गाउँपालिका– ३ आरुबोटेमा साेमबार राती भएकाे नौ जनाको हत्या प्रकरणको अनुसन्धानका लागि तालिमप्राप्त कुकुरसहितको प्रहरी टोली परिचालन गरिएकाे छ ।
अनुसन्धानका लागि संघीय प्रहरी कार्यालय, धरानका एसएसपी शरद खत्रीको नेतृत्वमा तालिमप्राप्त कुकुरसहितको टोली खटिएको १ नम्बर प्रदेश प्रहरी कार्यालय, विराटनगरका प्रवक्ता तथा प्रहरी नायव उपरिक्षक सिद्धराज न्यौपानेले जानकारी दिए ।
त्यस्तै प्रहरी उपरिक्षक उमा प्रसाद चतुरवेदीकाे नेतृत्वमा नेपाल प्रहरीको केन्द्रीय अनुसन्धान व्यूरो सिआइबीकाे टोली पनि घटना अध्ययनकाे लागि प्रस्थान गरेकाे नेपाल प्रहरीको केन्द्रीय अनुसन्धान व्यूरो सिआइबीका प्रवक्ता सुदिप गिरीले जानकारी दिए ।
घटनामा संलग्नलाई पक्राउ गर्न विशेष सतर्ककता अपनाएको छ भने संलग्नहरु भाग्न सक्ने सम्भावित नाकाहरुमा चेकिङमा कडाई गरिएकाे छ ।
प्रकाशित मिति: मंगलबार, जेठ ७, २०७६
-1732776560.jpg)
