काठमाडाैं : धादिङको नौबिसेमा आइतबार राति भएकाे मोटरसाइकल दुर्घटनामा चालकको मृत्यु भएको छ ।
धार्के बजारबाट नौबिसेतर्फ जाँदै गरेको बा ३५ प ९३९१ नम्बरको मोटरसाइकललाई एउटा अर्को गाडीले ठक्कर दिएपछि धुनीबेँसी नगरपालिका–१ का ३० वर्षीय दिपेश घलानको मृत्यु भएको प्रहरीले जनाएको छ ।
मोटरसाइकललाई ठक्कर दिने सवारी साधनको पहिचान नखुलेको र खोजी भइरहेको जिल्ला प्रहरी कार्यालयका सूचना अधिकारी प्रहरी नायब उपरीक्षक प्रकाश विष्टले जानकारी दिए ।
घटनापछि बजारवासीले केहीबेर सडक अवरुद्ध गरेका थिए । प्रहरीले घटना गराउने सवारी साधन खोजी गर्ने बताएपछि राजमार्ग सञ्चालन भएको थियो ।
प्रकाशित मिति: सोमबार, जेठ ६, २०७६
-1732776560.jpg)
