बुद्ध जयन्तीमा झकिझकाउ लुम्बिनी (फाेटाे फिचर)

समाज

आजको न्युज शनिबार, जेठ ४, २०७६

आज अर्थात् वैशाख शुक्ल पूर्णिमाका दिन भगवान् बुद्धप्रति आस्था प्रकट गरी देशैभर २५६३औँ बुद्ध जयन्ती मनाइँदै छ ।

बुद्ध जयन्तीको अवसरमा लुम्बिनीमा विशेष समारोहको आयोजना गरिएको छ । समारोहमा सहभागी हुन राष्ट्रपति विद्यादेवी भण्डारी कार्यक्रमस्थल पुगेकी छिन् । लुम्बिनी परिसरमा झाँकीसहितको र्‍याली निकालिएको छ । शुक्रबार नै लुम्बिनी पुगेका प्रधानमन्त्री केपी ओलीले बुद्ध जयन्तीका अवसरमा निकालिएकाे -यालीमा सहभागी भई थाइ बिहारमा भिक्षुहरूलाई चिवर दान गरेका छन् ।

उनले लुम्बिनी परिसरमा २ हजार ६ सय ४३ वटा बिरुवा रोप्ने कार्यक्रमको पनि शुभारम्भ गरे । यसै अवसरमा प्रदेश सरकारले घोषणा गरेको लुम्बिनी भ्रमण वर्ष २०७६ को राष्ट्रपति भण्डारी र प्रधानमन्त्री ओलीले उदघाटन गरेका छन् ।

सरकारले २०७६ लाई लुम्बिनी भ्रमण वर्ष घोषणा गर्दै २० लाख पर्यटक भित्र्याउने लक्ष्य राखेको छ ।

हेराैं केही तस्बिरमा लुम्बिनीकाे चहलपहलः