जर्मन क्लब फ्रान्कफर्टका फरवार्ड लुका जोभिक स्पेनिस क्लब रियल म्याड्रिडबाट खेल्ने भएकाे छ ।
रियलले जोभिकलाई ५ वर्षका लागि ५२ मिलियन पाउन्डमा क्लबमा अनुबन्ध गर्न सम्झौता नजिक पुगेको हो । जोभिक रियलमा पुगे फ्रान्कफर्टले उक्त रकमको १० मिलियन पाउन्ड जोभिकको पुर्व क्लब बेन्फिकालाई तिर्नेछ ।
पोर्चुगिज क्लब बेन्फिकाबाट यसै सिजन लोनमा फ्रान्कफर्ट पुगेका जोभिकले उच्च प्रदर्शन गरेका थिए । जोभिकले यो सिजन ४७ खेलमा २७ गोल गरेका थिए । फ्रान्कफर्टले जोभिकलाई स्थायी रुपमा अनुबन्ध गर्ने प्रयास थालेको थियो । तर, रियल यसमा सफल भएको हो ।
जोभिकले बुन्डेस लिगामा ३१ खेलमा १७ गोल गर्दा ५ असिस्ट र युरोपा लिगको १४ खेलमा १० गोल र एक असिस्ट गरेका थिए ।
प्रकाशित मिति: शुक्रबार, जेठ ३, २०७६
