काबुल : अफगानिस्तानका राजनीतिज्ञ तथा महिला अधिकारवादीहरूले एक चर्चित पत्रकार तथा राजनीतिक सल्लाहकारको हत्याको कडा शब्दमा निन्दा गर्दै अत्यारामाथि कडा कानुनी कारबाहीको माग गरेका छन् ।
विगतमा राजनीतिमा पनि सहभागी भएकी तर पछि टेलिभिजनमा कार्यरत मिना मंगललाई राजधानी काबुलमा दिउँसो गोली हानी हत्या गरिएको थियो ।
अफगानिस्तानका प्रमुख कार्यकारी अब्दुल्ला अब्दुल्लाले उनका हत्यारालाई पक्राउ गरिने वाचा गरेका छन् । प्रहरीले घटनाको अनुसन्धान सुरु गरेको छ ।
शनिवार प्रकाशित एउटा वक्तव्यमा आन्तरिक मामिला मन्त्रालयले अफगान संसद्को सांस्कृतिक मामिला आयोगको एक सल्लाहकारको रूपमा काम गर्न जाँदै गरेको बेला मंगललाई बिहान साढे सात बजेतिर गोली हानिएको जनाएको छ ।
अफगानिस्तानको सर्वोच्च अदालत, महिलाविरुद्ध हिंसासम्बन्धी आयोग तथा नागरिक समाजका विभिन्न समूहहरूले उनको हत्याबारे गम्भीर अनुसन्धानको माग गरेका छन् ।
मंगलले हालसालै फेसबुकमा आफूलाई धम्की आइरहेको र आफ्नो ज्यानको सुरक्षाबारे डर लागिरहेको उल्लेख गरेको महिला अधिकारवादी वाज्मा फ्रोगले ट्विटरमा लेखेकी छन् । उनलाई दिइएका भनिएका धम्कीको प्रकृतिबारे धेरै जानकारी उपलब्ध छैन ।
प्रकाशित मिति: सोमबार, वैशाख ३०, २०७६
-1732776560.jpg)
