पाँचथर : पाँचथरमा एक किशोरीको घाँटी रेटेर हत्या भएको छ ।
हिलिहाङ गाउँपालिका ४, पञ्चमीकी १५ वर्षीया शीतल योङहाङको आइतबार साँझ हत्या भएको समाचार प्राप्त भएकाे छ ।
जिल्ला प्रहरी कार्यालय पाँचथरका प्रहरी निरीक्षक अनिल पौडेलका अनुसार शीतलको शव घाँटी काँटिएको अवस्थामा सडकछेउमा फेला परेको थियाे ।
हत्याकाे कारण खुलननसकेकाे र थप अनुसन्धान भइरहेको छ प्रहरीले जनाएकाे छ । ‘घटनास्थलमा पुगेको प्रहरीले शव नियन्त्रणमा लिएर आवश्यक अनुसन्धान गरिरहेको छ’, निरीक्षक पाैडेलले भने ।
पाैडेलका अनुसार घटनास्थलबाट प्रहरीले एउटा मोबाइल फोन फेला पारेको छ । किशोरीको शव पोस्टमार्टका लागि जिल्ला अस्पताल पाँचथरमा राखिएको बताइएकाे छ ।
प्रकाशित मिति: सोमबार, वैशाख ३०, २०७६
-1732776560.jpg)
