म्यान्चेस्टर सिटीले इंग्लिस प्रिमियर लिगको उपाधि रक्षा गरेको छ । आइतबार साँझ भएको अन्तिम खेलमा ब्राइटनलाई ४–१ ले हराउँदै सिटीले लगातार दोस्रो सिजन उपाधि जितेको हो ।
सिटीलाई च्याम्पियन बनाउने क्रममा ब्राइटनविरुद्ध सर्जियो अग्वेरो, लापोर्त, महारेज र गुन्डोगानले एक एक गोल गरे भने ब्राइटनका लागि ग्लेन मर्रेले सान्त्वना गोल फर्काए ।
आइतबार नै भएको अर्को खेलमा वल्भ्सलाई २–० ले हराएको लिभरपुल उपविजेतामा नै सीमित भयो । लिभरपुलका लागि दुवै गोल सादियो मानेले गरे । सिटी र लिभरपुलबीच उपाधिका लागि कडा प्रतिस्पर्धा भएपनि सिटी एक अंकले माथि रहँदै विजेता बन्यो ।
यस्तै चेल्सी जारी सिजनमा तेस्रो भएको छ भने टोटनह्याम हट्सपर चौथो हुँदै आगामी सिजनको च्याम्पियन्स लिगका लागि छनोट भएको छ । प्रिमियर लिगको यस सिजनमा हडर्सफिल्ड टाउन, फुलह्याम र कार्डिफ सिटी भने अन्तिममा रहँदै च्याम्पियनसिपमा घटुवामा परेका छन् ।
प्रकाशित मिति: सोमबार, वैशाख ३०, २०७६
