एनआरएन स्पेनको विवाद चर्कियो, अधिवेशनको डेढ महिना अघि पदपूर्ति

पर्यटन

एनआरएन स्पेनको विवाद चर्कियो, अधिवेशनको डेढ महिना अघि पदपूर्तिएनआरएन स्पेनको विवाद चर्कियो, अधिवेशनको डेढ महिना अघि पदपूर्ति

आजको न्युज बिहीबार, चैत १७, २०७३

–दीपेन्द्र गजुरेल

बार्सिलोना । गैरआवासीय नेपाली संघ स्पेनले अधिवेशनको संघारमा कार्य समितीलाई पुर्णता दिन बसेको बैठकमा विवाद सुरु भएको छ । बुधबार संघकोे कार्यालयमा बसेको बैठकले विधान विपरित आवश्यक छलफल विनै मनोमानी ढंङ्गले शालिकराम डुम्म्रेलाई नियुक्त गरेपछि विवाद चुलिएको छ । संघकी उपाध्यक्ष विनिता रेग्मी खनालको प्रस्तावमा कार्यसमिति सदस्य समेत नरहेका रामचन्द्र पौडेलको समर्थनमा डुम्म्रेलाई पदस्थापन गरेकोमा संघका प्रवक्ता समेत रहेका सुभाष रानाभाटले आपत्ति जनाएका छन । रानाभाटले समितिमा भएका सदस्य साथिहरुको सल्लाहविना चोर बाटोबाट ल्याईएको प्रस्ताव मान्य नहुने बताएका छन । उनले निर्णयप्रति खेद व्यक्त गर्दै हस्ताक्षर समेत नगरेको बताएका छन । संघको आउदै गरेको अधिवेशनलाई पूर्णता दिनकै लागि भएपनि आवश्यक छलफलमा वहुमत संख्या समेत नपुगेको अवस्थामा कसरी निर्णय भयो भन्दै उनले आश्चर्य प्रकट गरे ।

यसैबीच संघका अध्यक्ष मुक्क्त गुरुङ्गले अधिवेशनको समयमा खाली पदपूर्ति गरेको दुई जनामा एक जनाको विरोध भएको र साथिहरुकै छलफलबाट निर्णय गरेका बताए । अध्यक्ष गुरुङ्गले आवश्यक प्रक्रिया पुरा गरेरै निर्णय गरेका दावी गरेपनि संघको २५ सदस्य संख्या मध्ये आठ जनाले मात्रै हस्ताक्षर गरेका छन । संघका महासचिव उमेश अधिकारीले भने संघमा २५ जना कार्यसमिति सदस्यमा बैठकमा आठ जनाको उपस्थिति रहेपनि बाँकी साथिहरुले पछि सहमती जनाउने दावी गरे । एनआरएन स्पेनको विधानमा राजनितिक आचरण भएका व्यक्तिलाई नियुक्त गर्न प्रतिबन्ध लगाएको छ । तिन साताअघि जन सम्र्पक समितिका स्पेनका अध्यक्ष समेत रहेका निर्वतमान सभापति शालिकराम डुम्म्रे हुन ।

प्रकाशित मिति: बिहीबार, चैत १७, २०७३

प्रतिक्रिया दिनुहोस्