काठमाडाैं : ललितपुरमा बिहीबार राति दुर्घटना हुँदा एक जनाकाे मृत्यु भएकाे छ ।
एकान्तकुनामा भ्यानले साइकललाई ठक्कर दिँदा साइकलयात्रीको मृत्यु भएकाे हाे । दुर्घटनामा एकजना पैदलयात्री घाइते भएका छन् ।
बा २१ च १३३३ नम्बरको भ्यानले ठक्कर दिँदा साइकलमा सवार भारत घर भई काठमाण्डौको कुलेश्वर बस्दै आएका ३५ वर्षका अमरे आलमको ज्यान गएको प्रहरीले जनाएको छ ।
भ्यानले साइकललाई ठक्कर दिँदा घाइते भएका पैदलयात्रीको नेपाल मेडिसिटी अस्पताल नख्खुमा उपचार भइरहेको छ । पैदलयात्रुको परिचय खुलेको छैन । भ्यानका चालकलाई प्रहरीले पक्राउ गरेको छ ।
प्रकाशित मिति: शुक्रबार, वैशाख २७, २०७६
-1732776560.jpg)
