काठमाडौं : राष्ट्रिय जनता पार्टीका सांसद लक्ष्मणलाल कर्णले संसद सञ्चालनमा आपत्ती जनाएका छन् । मंगलबार संसद बैठकमा प्रधानमन्त्रीको अभिव्यक्तिविरुद्ध प्रमुख प्रतिपक्षी दलले उभिएर विरोध गरिरहँदा सभामुखले बैठक सञ्चालन गरिरहेपछि उनले संसद सञ्चालनमा असहमति जनाएका हुन् ।
उनले प्रतिपक्षीले विरोध गरिरहँदा केहीबेर संसद स्थगन गरेर चलाउन सकिने भएपनि त्यसो नगरेको भन्दै उनले असन्तुष्टि व्यक्त गरे । ‘सभामुख महोदय, हामी इतिहास बनाउँदैछौ संसद कसरी सञ्चालन गर्ने भनेर,’ संशोधन प्रस्ताव फिर्ता लिने कि नलिने भन्नेबारे बोल्न उभिएका कर्णले भने, ‘अहिले प्रमुख प्रतिपक्षी दल यहाँ उभिइराखेको छ । यस्तो अवस्थामा यो संसदलाई केहीछिनका लागि बन्द गरेर पनि यसमा समाधान निकाल्नुपर्नेमा जुन किसिमले चल्या छ यो संसद सञ्चालनसँग म सहमत छैन । त्यसकारणले आफ्नो संशोधन प्रस्ताव फिर्ता लिने, नलिने भन्ने विषयमा म बोल्दिन ।’
प्रकाशित मिति: मंगलबार, वैशाख २४, २०७६
-1732776560.jpg)
