अमेरिकाको बोस्टनमा शनिबार उत्तर अमेरिकाका १३ जना कथाकारले कथा वाचन गरेका छन् | कथाकार हरि अधिकारीको कथा वाचनबाट सुरु भएको उक्त कार्यक्रममा क्रमश: कृष्ण कुसुम, कृष्णराज खनाल, गोविन्दसिंह रावत, गोवर्द्धन पूजा, दीपा राई पुन, भारती गौतम, महेश्वर पन्त, विश्वराज अधिकारी, सुशील नेपाल, हरि थापा, मन्जु विमली र कृष्ण धरावासीले कथा वाचन गरे |
करिव ४ घण्टा चलेको उक्त कार्यक्रममा कथाकारहरूले आफूभन्दा पछि पालो आउने कथाकारको परिचय दिँदै कथावाचनका लागि मन्चमा आमन्त्रण गरेका थिए |
कार्यक्रममा आयोजक संस्था राजमित्र स्मृति प्रज्ञाप्रतिष्ठानका संरक्षक सुशील नेपाल तथा सुमन नेपालले कथाकारहरूलाई स्वागत गर्दै सम्मानपत्र अर्पण गरेका थिए भने कार्यक्रम संयोजक गोवर्द्धन पूजा , कृष्ण कुसुम र महेश्वर पन्तले कार्यक्रमबारे प्रकाश पार्दै प्रवासमा कथावाचन कार्यक्रमको महत्त्वबारे बोलेका थिए |
उनीहरूले वाचित कथाको सङ्ग्रह प्रकाशित गर्ने जानकारी पनि गराए |
प्रकाशित मिति: सोमबार, वैशाख २३, २०७६
-1733641946.jpg)
-1732776560.jpg)
-1732776560.jpg)
