काठमाडौं : कारमा खैरो हेरोइन र चरेस लुकाएर ल्याउँदै गरेका बेला धादिङमा एक जना पक्राउ परेका छन् ।
सोमबार बिहान १ बजे गजुरी गाउँपालिका वडा नं १ सोतीखोला स्थित कच्ची सडकखण्डमा भारतीय कारका चालक कैलाली स्थायी घर भई धनगढी बस्ने काल्चे बोहोरालाई प्रहरीले लागु औषधसहित पक्राउ गरेको इलाका प्रहरी कार्यालय गजुरीका प्रमुख इन्सपेक्टर नवराज ढुंगेलले बताए ।
लागुऔषध नियन्त्रण ब्युरोले स्थानीय प्रहरीको सहयोगमा ९ सय ७८ ग्राम खैरो हेरोइन र ४७ किलो चरेससहित ४६ वर्षीय बोहरालाई नियन्त्रणमा लिएको हो ।
बोहोराको शरीरको चेकजाँच र खानतलासी गर्दा गाडीको पछाडिको सिटमुनि फल्स बटम बनाई चार वटा पोका बनाई लुकाएको लागुऔषध अफिम ९७८ ग्राम र टेपले बेरेर पोका पारिएको ४७ किलो चरेश फेला परेको थियो ।
चाललको साथमा रहेको सिमकार्ड र मोबाइल समेत बरामद गरिएको प्रहरीले जनाएको छ ।
अहिले अभियुक्त बोहरालाई गजुरी प्रहरी चौकीको नियन्त्रणमा राखिएको धादिङ प्रहरीले जनाएको छ ।
प्रकाशित मिति: सोमबार, वैशाख २३, २०७६
-1732776560.jpg)
