काठमाडौं : सरकारले संघीय संसद्मा पेस गरेको आर्थिक वर्ष २०७६/७७ को नीति तथा कार्यक्रममाथि आजदेखि छलफल सुरु हुने भएको छ ।
राष्ट्रपतिले संसदमा प्रस्तुत गरेको नीति तथा कार्यक्रममाथि प्रतिनिधिसभामा आजबाट त्यसमाथि छलफल हुन लागेको हो । संसद सचिवालयले बिहान ११ बजेपछि बस्ने प्रतिनिधिसभाको बैठकमा सरकारको नीति तथा कार्यक्रममाथि छलफल हुने कार्यसूची रहेको जानकारी दिएको छ ।
सरकारको नीति तथा कार्यक्रममाथि विभिन्न ६ वटा संशोधन प्रस्ताव दर्ता भएका छन् ।
प्रमुख प्रतिपक्षी दल कांग्रेसले राष्ट्रपतिले प्रयोग गरेको ‘मेरो सरकार’ पदावलीका स्थानमा ‘नेपाल सरकार’ राखिनुपर्ने मागसहित संशोधन प्रस्ताव पेश गरेको छ ।
काँग्रेसले प्रदेश र स्थानीय सरकारको क्षेत्रात्रिकारमाथि हस्तक्षेप गरी संघीयता र लोकतान्त्रिक शासन व्यवस्थाका आधारभूत संरचना कमजोर पार्ने कार्यक्रम ल्याइएको भन्दै त्यसलाई परिमार्जन गर्न माग गरेको छ ।
नीति तथा कार्यक्रममाथि संसदमा छलफलपछि प्रधानमन्त्रीले उठेका प्रश्नको जवाफ दिएपछि आवश्यक परिमार्जनसहित पारित गर्ने चलन छ ।
प्रकाशित मिति: आइतबार, वैशाख २२, २०७६
-1732776560.jpg)
