लहान : इलाका प्रहरी कार्यालय नरहाले अवैध मदिरा नष्ट गरेको छ ।
बरामद गरेको अवैध मदिरा स्थानीय बुद्धिजीवी र भद्रभलाद्मीहरूको रोहबरमा उक्त नष्ट गरिएको प्रहरी सहायक निरीक्षक सञ्जय झाले जनाए । सिरहाको नरहाबाट प्रहरी नायब निरीक्षक विनोदप्रसाद चौधरीको कमान्डमा खटिएको प्रहरी टोलीले नराह गाउँपालिका ५ बलुवा चौक स्थित विराटनगर र माडर चल्ने यात्रुबाहक बस जाँच गर्ने क्रममा बसमा लुकाएर ल्याउँदै गरेको चार जर्किन घरेलु मदिरा प्रहरीले फेला पारी नष्ट गरेको हो ।
जिल्ला प्रहरी कार्यालय सिरहाले हाल सवारीसाधनज जाँचमा कडाइ गरेको सिरहा प्रहरी प्रवक्ता माधवराज खरेलले जानकारी दिए ।
प्रकाशित मिति: शनिबार, वैशाख २१, २०७६
-1732776560.jpg)
