कोलकता नाइट राइडर्सले आईपीएलको ५२ औं खेलमा किंग्स इलाभेन पन्जाबमाथि सहज जित निकालेको छ । शुक्रबार राती सम्पन्न खेलमा पन्जाबलाई ७ विकेटले हराउँदै अंक तालिकामा पाँचौ स्थानमा उक्लिदै प्ले अफको संभावना बलियो बनाएको छ । १ सय ८४ रनको विशाल लक्ष्य पछ्याएको कोलकता १८ ओभरमा ३ विकेट गुमाउँदै सहजै पुरा गर्यो ।
त्यस अघि घरेलु मैदान मोहालीमा टस हारेर पहिला ब्याटिङ थालेको पन्जाबले निर्धारित २० ओभरमा ६ विकेटको क्षतिमा १ सय ८३ रन बनाएको थियो ।
यो जितसँगै कोलकता १३ खेलमा ६ मा जित र ७ मा हारका साथ पाँचौ स्थानमा उक्लिएको छ । समान खेल र समान नतिजाका साथ हैदरावाद चौथो स्थानमा छ । चेन्नई सपुर किंग्स,मुम्बई इन्डियन्स र दिल्ली क्यापिटल्स क्रमश : पहिलो,दोस्रो र तेस्रो स्थानमा छन् ।
प्रकाशित मिति: शनिबार, वैशाख २१, २०७६
