लहान : सिरहाको ठाडीबाट खटिएको प्रहरी टोलीले भगवानपुर–४ स्थित दसगजा मिनीबजार बाटोमा जाँच गर्ने क्रममा हतियारसहित एक भारतीय नागरिकलाई पक्राउ गरेको छ ।
प्रहरीले मिनीबजार नजिकबाट कटुवा पेस्तोल एक थान र पेस्तोलको खालि खोका १ राउन्डसहित भारतीय नागरिक राजेशकुमार यादवलाई बिहीबार राति पक्राउ गरेको जनाएको छ ।
विशेष सूचनाका आधारमा प्रहरी चौकी ठाडी र सशस्त्र प्रहरी बल सिरहाबाट संयुक्त रुपमा खटिएको टोलीले यादवको साथवाट उक्त पेस्तोल र खोका फेला पारेको हो ।
प्रहरीले यादवलाई नियन्त्रणमा लिएर थप अनुसन्धान गरिरहेको जिल्ला प्रहरी कार्यालय सिरहाका प्रवक्ता माधवराज कँडेलले जानकारी दिए ।
प्रकाशित मिति: शुक्रबार, वैशाख २०, २०७६
-1732776560.jpg)
