संयुक्त राज्य अमेरिकाको युनिभर्सिटी अफ नर्थ क्यारोलिनाको च्यार्लाेट क्याम्पसमा भएको गोली प्रहारमा परी दुई जनाको ज्यान गएको छ ।
उक्त गोली प्रहारमा अरू केही घाइते भएका बताइएको छ । मङ्गलबार साँझ ७ बजेतिर गोली प्रहारको घटना भएको थियो ।
मङ्गलबार यस शैक्षिक सत्रको अन्तिम दिन थियो । त्यस दिन कलेज समापन गरी घर फर्किने तयारी गरिरहेका विद्यार्थीहरूमाथि गोली प्रहार भएको बताइएको छ । विद्यार्थीहरू बिदा हुने बेलामा अकस्मात उक्त क्याम्पसको इमर्जेन्सी सेवाबाट लुक्नु, भाग्नु, सुरक्षित हुनु भनी माइकिङ भएको थियो । त्यसपछि कलेज परिसरमा भागाभाग भएको थियो ।
स्थानीय इमर्जेन्सी सेवाले दुई जनाको ज्यान गएको र अरू चार जना घाइते भएका बताएको छ । घाइतेमध्ये दुईको अवस्था गम्भीर रहेको जनाएको छ । च्यार्लाेटको प्रहरी सेवाले आक्रमणकारीको पहिचान गरेको छ ।
प्रहरीका अनुसार गोली हान्ने व्यक्ति सो क्याम्पसको एक जना २२ वर्षीय विद्यार्थी रहेका बताइएको छ । उनको नाम त्रिस्तान एन्ड्र्यु हो । आक्रमणकारीलाई प्रहरी थुनामा राखिएको छ तर घटनाको बारेमा ती व्यक्तिले स्वीकार नगरेको पनि प्रहरीले जनाएको छ ।
-1732776560.jpg)
