भेनेजुयलाका प्रतिपक्षी नेता हुवाँ गुएइदोले ‘बहादुर सेना’को एक समूहले आफूलाई समर्थन र सहयोग गरेको मङ्गलबार बताएका छन् । तर भेनेजुयलाको सरकार तथा राष्ट्रपति निकोलस मदुरो प्रशासनले सैन्य कूको प्रयास भएको भन्ने सूचनालाई खण्डन गरेको छ ।
गुएइदोले राजधानी काराकसस्थित वायुसेनाको एक शिविरमा रेकर्ड गरिएको र सामाजिक सञ्जालमार्फत् सार्वजनिक गरिएको श्रव्यदृश्ययमा उक्त दाबी गरेका हुन् । आज बहादुर सेना, बहादुर देशप्रेमी, बहादुर सिपाही, जसले भेनेजुयाली संविधानलाई समर्थन गर्दै आएका थिए, ले हाम्रो आग्रहमा समर्थन जनाएका छन् , गुएइदोले सैनिक पोसाकमा रहेका साना समूहसँगै उभिएर खिचेको भिडियोमा भनिएको छ ।
सोही भिडियोमा प्रतिपक्षी नेता लियोपोल्दो लोपेजले आफूलाई गुएइदो समर्थक सेनाले ‘जेलमुक्त’ गराएको बताएका छन् ।
-1732776560.jpg)
