काठमाडौं । स्पेनिस ला लिगाको उपाधी बार्सिलोनाले जितेको छ । शनिबारराति भएको खेलमा लेभान्टेलाई पराजित गरेसँगै बार्सिैलोनाले २६ औं पटक ला लिगाको उपाधी जितेको हो ।
घरेलु मैदानमा बार्सिलोनाले लेभान्टेलाई १–० ले हराएर तीन खेल अगावै उपाधि हात पारेको हो ।
बार्सिलोनाको जितमा कप्तान लियोनल मेस्सीले ६२ औं मिनेटमा निर्णायक गोल गरे । जितसँगै बार्सिलोनाको ३५ खेलबाट ८३ अंक भएको छ भने दोस्रो स्थानमा रहेको एट्लेटिको मड्रिडको ७४ अंक छ ।
प्रकाशित मिति: आइतबार, वैशाख १५, २०७६
