काठमाडौं : इंग्लिस प्रिमियर लिगमा गएराति भएका खेलमा म्यान्चेस्टर युनाइटेड र आर्सनल पराजित हुँदा चेल्सीलाई फाइदा पुगेको छ ।
बुधबार राति भएको खेलमा आर्सनल वल्भ्ससँग ३–१ ले पराजित भयो । यो हारसँगै उसले चौथो स्थानमा पुग्ने महत्वपूर्ण मौका गुमाएको छ ।
आर्सनलले पहिलो हाफमा नै तीन गोल खाएको थियो । दोस्रो हाफको ८० औं मिनेटमा आर्सनलका लागि सोक्राटिसले एक गोल फर्काए । आर्सनलले गोल गर्ने महत्वपूर्ण अवसरहरु खेर फालेको थियो ।
यो जितसँगै वुल्भस ३५ खेलबाट ५१ अंक बटुल्दै सातौं स्थानमा पुगेको छ भने ३५ खेल खेलेको आर्सनल ६६ अंकसहित पाँचौं स्थानमा छ ।
चौथो स्थानमा रहेको चेल्सीको ६७ र छैटौं स्थानको म्यानचेस्टर युनाइटेडको ६४ अंक छ । म्यानचेष्टर युनाइटेड पनि बुधबाररातिको खेलमा म्यान्चेस्टर सिटीसँग २–१ ले पराजित भएको हो ।
अब बाँकी तीन खेलमा शतप्रतिशत जित निकाल्न सकेमा चेल्सी शीर्ष चारमा रहनेछ ।
प्रकाशित मिति: बिहीबार, वैशाख १२, २०७६
