गत आइतबार श्रीलंकामा गराइएकाे बम विस्फोटको जिम्मा आतंकवादी संगठन इस्लामिक स्टेट(आईएस) ले लिएको छ । आईएसले आफूले विस्फोट गराएको कुनै आधिकारिक प्रमाण पेश नगरे पनि मंगलबार आफ्नो समूहको समाचार एजेन्सी एएमएक्यूमार्फत विस्फोटको जिम्मा लिएको हाे ।
राजधानी कोलम्बोलगातका विभिन्न शहरमा रहका चर्च र होटलमा भएको विस्फोटमा परि ३२० जनाको ज्यान गएकाे छ भने ५०० भन्दा बढी घाइते भएका छन् । श्रीलङ्कामा भएको शृङ्खलाबद्ध विस्फोटमा परि सयौँको मृत्यु भएपछि सङ्कटकालको घोषणा गरिएको छ ।
श्रीलङ्कामा आइतबार भएका विस्फोटनका घटनाहरुमा परि ज्यान गएपछि स्थितिलाई नियन्त्रणमा लिन सङ्कटकालको घोषणा गरिएको हो । राष्ट्रपति कार्यालयको सञ्चार विभागद्वारा जारी वक्तव्यमा नागरिकको सुरक्षा सुनिश्चितताका लागि सङ्कटकाल घोषणा गरिएको उल्लेख छ ।
प्रकाशित मिति: मंगलबार, वैशाख १०, २०७६
-1732776560.jpg)
