काठमाडाैं : हिजाे आइतबर नेपाल प्रज्ञा–प्रतिष्ठानमा पुस्तक प्रदर्शनी सुरु भएको छ । नववर्ष तथा विश्व पुस्तक दिवसका अवसरमा प्रतिष्ठानका कुलपति गङ्गाप्रसाद उप्रेतीले आयोजित पुस्तक प्रदर्शनीको उद्घाटन गरे ।
सो अवसरमा कुलपति उप्रेतीले पाठकहरूको मागलाई ध्यानमा राखेर प्रज्ञा–प्रतिष्ठानले विभिन्न अवसरहरू पारेर पुस्तक प्रदर्शनी गर्ने गरेको बताए । उनले प्रज्ञा–प्रतिष्ठानका प्रकाशनहरू बजारमा सहजै उपलब्ध हुन नसकेको अवस्थामा यस्ता प्रदर्शनीले पाठकलाई सुविधा दिने विश्वास व्यक्त गरे ।
सो अवसरमा उपकुलपति डा. जगमान गुरुङ, सदस्य सचिव प्रा. जगतप्रसाद उपाध्याय, प्राज्ञ परिषद् सदस्यहरू प्रा. दिनेशराज पन्त, प्रा.डा. योगेन्द्रप्रसाद यादव, डा. हेमनाथ पौडेल, प्रा.डा. उषा ठाकुर, माया ठकुरी, प्रा.डा. गोपीन्द्र पौडेल, लक्ष्मी माली र डा. देवी नेपाल उपस्थित थिए । वैशाख २२ गतेसम्म जारी रहने प्रदर्शनीमा पुस्तक खरिदमा ४० देखि ६० प्रतिशतसम्म छुट पाइने छ ।
प्रकाशित मिति: सोमबार, वैशाख ९, २०७६
-1732776560.jpg)
