काठमाडौं : उपाधि र शीर्ष ४ को होडका कारण इंग्लिस प्रिमियर लिग रोमाञ्चक मोडका पुगेको छ ।
आइतबार राति भएको खेलमा कार्डिफ सिटीलाई २–० ले हराउँदै लिभरपुल शीर्ष स्थानमा उक्लिएको छ । लिभरपुलको जितमा जर्जिनियो विज्नाल्डम र जेम्स मिल्नरले गोल गरे ।
यो जितसँगै लिभरपुलले ३५ खेलबाट ८८ अंक बनाएको छ भने एक खेल कम खेलेको म्यान्चेस्टर सिटीको ८४ अंक छ ।
यस्तै शीर्ष चारको होडमा रहेको आर्सनल क्रिष्टल प्यालेससँग आफ्नै मैदानमा ३–२ ले पराजित भयो । क्रिष्टलको जितका म्याकआर्थर, जाहा र बेन्टेकेले एक एक गोल गरे ।
आर्सनलका लागि मेसुट ओजिल र औबामियाङले एक एक गोल फर्काएका थिए । यस्तै शीर्ष चारको दौडमा रहेको म्यान्चेस्टर सिटीले एभर्टनसँग ४–० को फराकिलो हार बेहोरेको छ ।
यो सँगै शीर्ष चारको भिडन्त पनि रोमान्चक बनेको छ । ३४ खेलबाट ६७ अंक जोडेको टोटनह्याम हट्सपर, समान खेलबाट ६६ अंक जोडेका आर्सनल र चेल्सी तथा ६४ अंक जोडेको म्यान्चेस्टर युनाइटेड शीर्ष चारको होडमा छन् । अब सबै चार टोलीले ४ खेल खेल्न बाँकी छ ।
प्रकाशित मिति: सोमबार, वैशाख ९, २०७६
