श्रीलंका : कोलम्बोमा भएका छुट्टाछुट्टै विस्फोटमा परी ज्यान गुमाउनेको संख्या १ सय ३७ पुगेको छ । तीन गिर्जाघर र तीन वटै पाँचतारे होटलमा भएको आक्रमणमा परेर चार सयभन्दा बढी घाइते भएको समाचार संस्था रोयटर्सले जनाएको छ।
आइतबार बिहानै भएको आक्रमणमा हालसम्म एक सय ३७ को मृत्यु भइसकेको छ । घाइतेहरुलाई अस्पताल पुर्याइएको छ । स्थानीय समय अनुसार बिहान ८ बजेर ४५ मिनेटमा आक्रमण भएको थियो ।
इसाई धर्मावलम्बीहरूले इस्टर पर्व मनाइरहँदा यी विस्फोट भएका हुन् । प्रत्येक वर्ष अप्रिल महिनामा पूर्णिमापछि पहिलो आइतबारको दिन इस्टर पर्वमा मनाइन्छ । चार वटा चर्च आक्रमणकारीको निशानामा राखिएको थियो । कोचिकाडा चर्च, कटुवापितिया चर्च, किङ्सबेरी चर्च, बेतिकोला चर्चलाई निशानामा राखिएको थियो । आक्रमण कसले र किन गराएको भन्ने कुरा पुष्टि भएको छैन ।
प्रकाशित मिति: आइतबार, वैशाख ८, २०७६
-1732776560.jpg)
