ओखलढुंगा : सिद्धिचरण नगरपालिका २ निसंखेमा आगलागी हुँदा एक घर नष्ट भएको छ भने आठ चौपाया जलेका छन्।
आगलागीका कारण स्थानीय तिलक कार्कीको घर र चौपाया जलेका हुन्। साँझ ७:३० बजे आगलागी भएको हो। प्रहरी चौकी निसंखेका प्रहरी र स्थानीयको प्रयासले आगो नियन्त्रण गरिए पनि खरले छाएको छानो र पानीको अभावका कारण घरभित्र रहेका खाद्यान्न धनमाल केही जोगाउन नसकिएको स्थानीय सविन कार्कीले बताए।
घरमा रहेका आठ बाख्रा पनि मरेका छन्। आगलागीबाट अन्दाजी ५ छ लाख बराबरको धनमाल नष्ट भएको अनुमान लगाए पनि आगो लाग्नुको कारण र क्षतिको अनुसन्धान प्रहरीले गरिरहेको प्रहरीले जनाएको छ। घरबारविहीन भएको कार्की परिवार छिमेकीको शरणमा बसेको छ।
प्रकाशित मिति: मंगलबार, वैशाख ३, २०७६
-1732776560.jpg)
