शीर्षस्थानको बार्सिलोना एसडी हुसेकासँग बराबरीमा रोकिदा एट्लेटिको म्याड्रिडले जित निकाल्दै बार्सिलोनासँगको अंक दुरी छोट्याएको छ ।
बार्सिलोना रेलिगेसन जोनमा रहेको एसडी हुसेकासँग गोलरहित बराबरीमा रोकिएको हो । बराबरीसँगै बार्सिलोनाको ३२ खेलबाट ७४ जोड्दै शीर्षस्थानमा यथावत छ । शनिबार राति नै भएको अर्काे खेलमा एट्लेटिको म्याड्रिडले सेल्टा डि भिगोलाई पराजित गर्दै शीर्षस्थानको बार्सिलोनासँगको अंक दुरी कम गरेको छ । एट्लेटिकोको जितमा एन्टोइन ग्रिजमन र अल्भेरो मोराटाले गोल गरे ।
जितसँगै एट्लेटिकोको ३२ खेलबाट ६५ अंक पुगेको छ । जुन शीर्षस्थानको बार्सिलोनाभन्दा ९ अंकले पछि हो ।
प्रकाशित मिति: आइतबार, वैशाख १, २०७६
