काठमाडौं : बारा–पर्सामा आएको टोर्नाडो आँधीबाट दस हजार चार सय ९४ पशुपन्छीको ज्यान गएको छ । कृषि तथा पशुपन्छी विकास मन्त्रालयबाट गएको टोलीले एक साता लगाएर गरेको सर्वेक्षणपछि प्रेसित विज्ञप्तिमा जनाइएअनुसार ५० करोड ७९ लाख ३२ हजार सात सय रुपैँया बराबरको आर्थिक क्षति भएको छ ।
जसमा पशुपन्छीतर्फ ७५ लाख ८३ हजार रुपैँया तथा बालीनालीतर्फ ५० करोड तीन लाख ४९ हजार सात सय रुपैँया बराबरको क्षति भएको जनाइएको छ । सर्वेक्षणअनुसार गाई १४, भैँसी ३०, बाख्रा सय, गोरु १०, बोका १४, कुखुरा दस हजार, हाँस तीन सय २६ वटा मरेका छन् । त्यस्तै घाइते हुने पशुजन्य वस्तुहरूमा गाई २९, भैँसी ७३, बाख्रा एक सय ७८, गोरु १२ तथा बोका चार वटा घाइते भएका छन् ।
पर्सामा एक हजार तीन सय ३५ हेक्टरमा लगाइएको गहुँमध्ये दुइृ सय ५० हेक्टरको पूर्ण तथा एक हजार ८५ हेक्टरमा लगाइएको गहुँमा आंशिक क्षति भएको जनाइएको छ । त्यस्तै एक सय ३२ हेक्टरमा लगाइएको सागबालीमध्ये ६० हेक्टरमा पूर्ण तथा एक सय ५२ हेक्टरमा लगाइएको सागबालीमा आंक्षिक क्षति भएको छ ।
त्यस्तै बारामा एक हजार चार सय ५६ हेक्टरमध्ये छ सय २० मा पूर्ण तथा आठ सय ३६ हेक्टरमा आंशिक क्षति भएको छ । त्यस्तै मकै पाँच सय १३ मध्ये एक सय ८० मा पूर्ण तथा तीन सय ३२ हेक्टरमा आंक्षिक क्षति भएको छ ।
मन्त्रालयका वरिष्ठ कृषि अर्थविज्ञका अनुसार टोलीले एक साता लगाएर गरेको सर्वेक्षणपछि रिपोर्ट तयार पारेको छ । क्षति र सहयोगबारे थप छलफल गर्न बाँकी रहेको जनाइएको छ । सर्वेक्षण टोलीले प्रदेश सरकारले क्षतिपूर्ति बापतको रकम हस्तान्तरण नगर्नु, खाद्यन्नका लागि स्थानीय सरकारसँग आवश्यक सामग्री माग गरिएको छ ।
प्रतिपरिवार दुई क्वीन्टल अट्ने दुई वटा फलामको भाँडो वितरण गरिने छ । जसमा ४५ सय परिवार बारा तथा एक हजार परिवार पर्सामा गरिने छ । त्यस्तै सरकारबाट जीविकोपार्जनका लागि थप कार्यक्रम प्रदेश सरकारले ल्याइने छ ।
सर्वेक्षण टोलीले वसन्त ऋतुसँगै खाद्यान्न, सागसब्जी, स्यालो ट्युवेल, बिउबीजन, मल उपलब्ध गराउनुका साथै थप अनुदान र बिउबीजनमा इन्सुरेन्स दिइने जनाइएको छ ।
सर्वेक्षण टोलीमा कृषिविज्ञ अर्जुनप्रसाद बराल, विनोद ज्ञवाली, चन्द्रविक्रम कुँवर, कमलराज शर्मा, महेन्द्र यादव, क्षेत्र बहादुर श्रेष्ठ लगायतका थिए ।
प्रकाशित मिति: बिहीबार, चैत २८, २०७५
-1732776560.jpg)
