बार्सिलोनाले युइएफए च्याम्पियन्स लिग फुटबलको क्वाटरफाइनलको पहिलो लेगमा सफलता हात पारेको छ । बार्सिलोनाले घरेलु टोली म्यानचेस्टर युनाइटेडलाई १–० ले पराजित गरेको हो । खेलको १२औं मिनेटमा लुक शअले आत्मघाती गोल गरेपछि बार्सिलोनाले जित हासिल गरेको हो ।
कप्तान लियोनेल मेस्सीको पासमा लिभरपुलका पूर्व फरवार्ड लुइस सुआरेजको प्रहारलाई गोललाइनबाट रोक्ने प्रयास गर्दा लुकले आत्मघाती गोल गर्न पुगेका थिए । भिएआरको सहायतामा उक्त गोललाई मान्यता दिइएको थियो ।
जितसँगै बार्सिलोनाले युनाइटेडलाई घरेलु मैदानमा पराजित गर्न सफल भयो । अहिलेसम्म युनाइटेड आफ्नो मैदानमा बार्सिलोनासँग हारेको थिएन ।
प्रकाशित मिति: बिहीबार, चैत २८, २०७५
