टोकियो : जापानका प्रधानमन्त्री सिन्जो आबेले यसै महिना संयुक्त राज्य अमेरिका, क्यानाडा र फ्रान्सको भ्रमण गर्ने भएका छन् ।
जापानले यसै वर्ष औद्योगिक राष्ट्रहरूको समूह (जी–२०) को बैठक गर्दै छ । आगामी अप्रिल २२ देखि २९ सम्म हुने भ्रमणका क्रममा प्रधानमन्त्री आबेले इटाली, बेल्जियम र स्लोभाकियाको पनि संक्षिप्त भ्रमण गर्नुहुने जापानको विदेश मन्त्रालयले जनाएको छ । भ्रमणका क्रममा उनले अमेरिका र जापानबीचको व्यापारका बारेमा पनि छलफल हुनेछ ।
अमेरिकी राष्ट्रपति डोनाल्ड ट्रम्पले दुई देशबीचको असन्तुलित व्यापारलाई सही मार्गमा ल्याउन द्वीपक्षीय सम्झौता गर्न चाहेका छन् । उनले वार्तामा कुनै सहमति नजुटे जापानी कारहरूमा करवृद्धि गर्ने चेतावनी दिइसकेका छन् । प्रधानमन्त्री आबेले जापानको ओसाकामा हुने जी–२० सम्मेलनलाई सफल बनाउन भ्रमण गर्न लागेको बताए ।
सम्मेलन आगामी जुन २८ र २९ तारिखमा हुँदै छ । ट्रम्पले पनि आगामी मेमा जापानको भ्रमण गर्ने सम्भावना रहेको बताइएको छ । आगामी मे १ तारिखमा जापानमा नयाँ सम्राट नारुहितोले राजगद्दी ग्रहण गर्दै छन् ।
-1732776560.jpg)
