स्पेनिस ला लिगा अन्तर्गत बुधबार राति भएको खेलमा रियाल म्याड्रिडले भ्यालेन्सियासँग २–१ को हार बेहोरेको छ । घरेलु मैदानमा भ्यालेन्सियालाई जिताउन गोनकालो गुइडेस र इजिक्वेल गारेले गोल गरे । म्याड्रिडका करिम बेन्जेमाले एक गोल फर्काए ।
खेलको ३५औं मिनेटमा गोनकालोको गोलमा रियाल खेलमा पछि परेको थियो । ८३औं मिनेटमा गारेले अर्काे गोल थपेपछि रियालको हार लगभग पक्का भैसकेको थियो ।
इन्ज्युरी समयको थप गरिएको तेस्रो मिनेटमा बेन्जेमा गोल गरेपनि रियालको हार टार्न सकेन । हारसँगै रियालको ला लिगाको उपाधियात्रा निकै कमजोर बनेको छ । रियल शीर्षस्थानको बार्सिलोनाभन्दा १३ अंक तथा दोस्रो स्थानको एट्लेटिको मड्रिडभन्दा पाँच अंकले पछि छ ।
प्रकाशित मिति: बिहीबार, चैत २१, २०७५
