काठमाडौं : सहिद स्मारक ए डिभिजन लिग च्याम्पियन मनाङ मर्स्याङ्दी क्लबले एएफसी कप अन्तर्गत समूह ‘ई’ को आफ्नो पहिलो बंगलादेशको ढाका अबहानीसँग प्रतिस्पर्धा हुँदैछ ।
एन्फा कम्प्लेक्सको खेल मैदान सातदोबाटोमा दिउँसो तीन बजे मनाङ र अबहानीबीच प्रतिस्पर्धा हुनेछ ।
नेपालको ए डिभिजन लिग च्याम्पियन मनाङ अबहानीलाई पराजित गर्दै सुखद सुरुवात गर्ने लक्ष्यमा छ भने अबहानी पनि घरेलु टिमलाई पराजित गर्दै जित निकाल्ने लक्ष्यमा छ ।
अबहानी बंगलादेशको लिगमा निकै बलियो टिम हो । जसमा राष्ट्रिय टिमका सात जना खेलाडी छन् ।
यद्यपि नेपालको मनाङ पनि बलियो नै रहेकाले खेल प्रतिस्पर्धात्मक हुने विश्वास लिइएको छ । मनाङको फरवार्ड र मिडफिल्डभन्दा पनि डिफेन्स बलियो रहेकाले अबहानीविरुद्ध स्पष्ट जित हात पार्ने प्रशिक्षक छिरिङ लोप्साङले दाबी गरे ।
होम एन्ड अवेको आधारमा हुने छनोटको समूह ‘ई’ मा मनाङसँगै, बंगलादेशको ढाका अबहानी, भारतका दुई क्लब मिनर्वा पञ्जाब र चेन्नाईयीन रहेका छन् ।
प्रकाशित मिति: बुधबार, चैत २०, २०७५
