वासिङ्टन : अमेरिकी राष्ट्रपति डोनाल्ड ट्रम्पले ‘घृणा अपराध’लाई प्रोत्साहन गरेको आरोप लागेका अमेरिकी टेलिभिजन कलाकार जुसी स्मोलेटका सबै आरोपमाथि सफाई दिने इलिनोइसका अभियोजनकर्ताहरूको निर्णयलाई पुनः मूल्याङ्कन गरिने सम्भावना व्यक्त गरेका छन् ।
राष्ट्रपति ट्रम्पले बिहीबार ट्विट गर्दै भनेका छन्, एफबिआई र न्याय विभागले सिकागोमा दर्ता जुसी स्मोलेटमाथि लागेको घृणित मुद्दाबारे पुनः मूल्याङ्कन गर्नेछ । यो हाम्रो राष्ट्रको लज्जाको विषय बनेको छ ।
अभियोजनकर्ताहरूले स्मोलेटमाथि लागेका गम्भीर खालका सबै १६ आरोपलाई सामुदायिक सेवाप्रति उत्तरदायी बन्ने र १० हजार अमेरिकी डलर जरिवाना तिर्ने सहमतिमा स्थगित गरिएको बताएका थिए ।
तर स्मोलेटका वकिलहरूले यस प्रकारको सहमति नभएको तर राज्यद्वारा मुद्दा खारेज गरेको बताएका छन् । उनीहरूले हतारमा निर्णय सुनाइँदा ‘प्रसिद्ध’ टेलिभिजन कलाकार स्मोलेट पीडित बनेको उनका वकिलहरूको दाबी छ ।
फक्स संगीत नाटक ‘साम्राज्य’का मुख्य कलाकार ३६ वर्षीय स्मोलेटसहित ताराजी पी हेनसनविरुद्ध ख्याति र पैसाका लागि उनी सिकागोस्थित घरमा रहेका समय दुई नकावधारी व्यक्तिले राती आक्रमण गरेको झूठो खबर प्रहरीलाई गरेका थिए ।
अफ्रिकी-अमेरिकी समुदायका समलिङ्गी स्मोलेटले उक्त घटनामा आफू निर्दोष रहेको सार्वजनिक रूपमा बताउँदै आएका छन् ।
-1732776560.jpg)
