अर्जेन्टिना र भेनेजुएलाबीचको मैत्रीपूर्ण खेलमा अर्जेन्टिना ३-१ ले पराजित भएको छ ।
गए राती भएको अर्जेन्टिनाविरुद्धको खेलमा भेनेजुएलाले उत्कृष्ट खेल प्रस्तुत गर्यो । खेलको छैटौं मिनेटै रोनडोनको गोलमार्फत भेनेजुएलाले खेलमा अग्रता लिएको थियो । त्यसपछि ४४औं मिनेटमा मुरिल्लोले गोल थप्दै भेनेजुएला २-० ले अघि बढ्यो ।
पहिलो हाफमा २ गोलले पछि परेको अर्जेन्टिना ५९औं मिनेटमा १ गोल फर्काउन सफल भयो । उसका लागि लउटारो मार्टिनेजले १ गोल गर्न सफल भएका थिए । तर ७५औं मिनेटमा जोसेफ मार्टिनेजले पेनाल्टीमार्फत गोल गर्दै भेनेजुएलालाई ३-१ को जित दिलाए ।
रसिया विश्वकपपछि टिममा फर्किएका मेस्सीका लागि यो खेल सुखद हुन सकेन । विश्वकपमा अन्तिम १६ बाट बाहिरिएपछि मेस्सीले राष्ट्रिय टिमबाट कुनै खेल खेलेका थिएनन् ।
प्रकाशित मिति: शनिबार, चैत ९, २०७५
